Бонучи е лав на терен, но болеста на неговиот син го „скрши“

Леонардо Бонучи е лав на фудбалските терени, сепак некои работи се поважни од спортот. Болеста на неговиот син Матео го натера да пушти солза на конференцијата за новинари.

Бонучи го пропушти првиот квалификациски натпревар на Италија поради болеста на својот син, а сега повторно се врати и заплака на пресконференцијата.

„Мојот Матео беше многу болен, не сакам да откривам за каква болест се работи, но имам потреба да и се заблагодарам на сопругата. Беше многу силна и ми даде неверојатна сила да го издржам сето тоа. Преку ноќ пораснав и сватив дека приоритетите во животот се поинакви. Постојат многу поважни работи од тоа да погрешиш едно додавање. Сега сум спремен да се вратам и се надевам дека луѓето ќе ме разберат“, изјави Бонучи.