Болт даде своја прогноза за натпреварот помеѓу Манчестер Јунајтед и Јувентус

Вечерва на „Олд Трафорд“ силите ќе ги одмерат Манчестер Јунајтед и Јувентус во пресрет на натпреварите во Лигата на Шампионите.

Пред овој натпревар своја прогноза даде и Усаин Болт, најбрзиот човек во светот кој во последно време се бави со фудбал. Познат како голем навивач на Манчестер Јунајтед, Болт очекувано му даде предност на својот омилен клуб.

„Мислам дека не очекува голем натпревар. Се среќаваат два одлични тима кои имаат богата историја и гордост. Јуве игра одлично во Серија А и Лигата на Шампионите, додека резултатите на Јунајтед не се баш такви какви што треба да бидат. Сепак, предвидувам победа на Јунајтед“, изјави Болт, па продолжи:

„Манчестер Јунајтед игра на свој терен и тоа е огромна предност, бидејќи не е исто да се игра на „Олд Трафорд“ и некое друго место. Верувам дека Јунајтед ќе победи, но нема да има многу голови. Мојата прогноза е 1:0“

Натпреварот помеѓу Манчестер Јунајтед и Јувентус се игра со почеток од 21:00.