Билетите за Рома – Ливерпул продадени за три часа!

Италијанскиот клуб Рома потврди дека сите влезници за полуфиналниот дуел со Ливерпул во Лиагата на шампиони се продадени во рекорден рок.

Во Рим владее голема фудбалска еуфорија, а елиминацијата на Барселона во четвртфиналето додатно ја „запали“ атмосферата. Прво беа пуштени во продажба 22.000 влезници кои веднаш се распродадоа, а потоа започна продажбата на преоснатите 35.000.

Според пишувањата на италијанските медиуми навивачите на Рома го „разграбале“ сите влезници за само 3 часа, па сега е веќе невозможно да се набават билети за дуелот кој е закажан за 2-ри мај.

Навивачите чекале пред продажните места и по 36 часа за да дојдат до билет, а откако биле пуштени во продажба се продале за рекордно време.

Првиот полуфинален натпревар се игра на „Енфилд“ на 24-ти април, а реваншот е на „Олимпико“ седум дена подоцна.