Бизарно: Не играше за Ирска затоа што бил 10 сантимери поблиску до заразен со Ковид-19

Во светот се уште трае и веројатно ќе потрае уште подолго време пандемијата со коронавирусот, натпревари се играат, меѓутоа без или со мал број на гледачи. Поради коронавирусот се случуваат и некои бизарни ситуации.

Дел од една таква бизарна ситуација е Арон Коноли, репрезентативецот на Ирска. Коноли не играше во бараж натпреварот за неговата селекција против Словачка, а причината за неиграњето е навистина бизарна.

Напаѓачот кој го носи дресот на Брајтон покрај тоа што не играше на оваа средба нема да игра ниту на преостанатите две средби на Ирска од новото издание на Лигата на Нации. Причината поради која нема да игра е што седел 10 сантиметри поблиску до заразен со коронавирус од пропишаната дистанца.

Имено, Коноли бил 10 сантимери поблиску од пропишаната дистанца од два метри до член од стручниот штаб кој бил заразен. Сега тој ќе мора да оди во изолација, а во сличен проблем се нашол и фудбалерот на Норвич Адам Идах кој бил 30 сантимери поблиску.