Бизарна повреда на највисокиот кошаркар во НБА лигата

Тацко Фал не беше избран за овогодинешниот драфт, но нешто подоцна се избори за договор со Бостон Селтикс.

Со тоа тој стана во овој момент највисокиот кошаркар во НБА лигата, иако нема да чуди ако одреден период помине во развојната лига.

Имено, 23 годишниот Сенегалец е висок два метра и 26 сантиметри.

Наводно Фал требало да биде во ростерот за отварањето на НБА сезоната и натпреварот помеѓу Селтикс и Филаделфија, но морал да го пропушти овој натпревар поради потрес на мозок.

Тој влегол во тренинг центарот на Селтикси за да си ги измие рацете, а во таа прилика удрил со главата во плафонот. Во прв момент не изгледало дека е нешто што ќе му направи проблем, но два дена подоцна му било откриено дека со тој удар заработил потрес на мозок и поради тоа не бил во тимот.