Бејтулаи: Подобар тим сме и веруваме во пласман во второто коло

Капитенот на Шкендија Езгон Бејтулаи верува во успех на гостувањето кај Сумгаит.

Шкендија утре ги стартува европските квалификации кои сега се играат во нов формат поради пандемијата со коронавирусот, само еден натпревар. Бејтулаи верува дека Шкендија ќе игра во второто коло.

„Веќе една недела специјално се спремаме за овој натпревар. Дојдовме тука да покажеме дека сме подобар тим и да се пласираме во второто коло. Свесни сме дека и противникот има квалитет, но ние сме подобри и верувам во позитивен исход. Сумгаит ќе има предност на домашен терен, но без гледачи и тоа не значи многу“, изјави капитенот на тетовци.

Сумгаит и Шкендија натпреварот го играат утре од 18:00 часот.у