Берлускони го купува македонскиот талент Станковски!

18-годишниот талент на Работнички, Лука Станковски од лето кариерата ќе ја продолжи во Италија, во дресот на Монца.

Легендарниот трансфер гуру Адриано Галиани го договорил трансферот на големиот македонски талент, Лука Станковски, потврдија денес од клубот.

Монца е во сопственост на Силвио Беркускони и оваа сезона се бори за враќање во Серија А.

„Горди сме што може да објавиме дека еден од најталентираните македонски фудбалери Лука Станковски од јуни кариерата ќе ја продолжи во италијанскиот клуб Монца. Двата клуба ги договорија деталите за трансферот што треба да се реализира во летниот преоден рок. Можам да кажам дека имаше многу понуди за Лука Станковски, но донесовме заедничка одлука со фудбалерот и со неговите родители, Монца да биде идниот клуб, каде ќе продолжи да се развива и да се надградува. Среќни сме што Работнички успешно ја продолжува стратегијата за реализација на трансфери на млади и талентирани фудбалери во странство и горди што во еден исклучително тежок период на глобална пандемија на коронавирусот, Работнички оствари два трансфери, Давид Тошевски во Ростов и Лука Станковски во Монца“, изјави претседателот Драган Поповски