Бензема: Тој што го критикува Меси не разбира фудбал

Фудбалерот на Реал Мадрид, Карим Бензема смета дека Лионел Меси не ги заслужува критиките кои ги добива после трансферот во ПСЖ.

Меси во претходното лето премина на „Паркот на принцовите“ и во дресот на францускиот клуб одигра вкупно 16 натпревари и постигна 6 голови од нив само еден беше во француското првенство. Поради тоа Аргентинецот добиваше критики од јавноста.

„Ќе биде чудно да играме против него сега кога е во ПСЖ. Тој е еден од најдобрите играчи во светот без никакви дилеми. Зошто во ПСЖ не игра со формата од Барселона? Потребно му е време да се прилагоди, да се адаптира. Не можете така лесно да критикувате играч каков што е Меси. Тој што го критикува Меси не се разбира во фудбал“, изјави Бензема.

Првиот натпревар помеѓу ПСЖ и Реал во осминафиналето од Лигата на шампионите е закажан за 15-ти февруари.