Карим Бензема се најде во центарот на скандал после натпреварот помеѓу Борусија Менхегладбах и Реал Мадрид.
Имено, после тој натпревар се појави видео од тунелот во второто полувреме на кое може да се види како Бензема и Менди зборуваат да не му ја додаваат топката на Винисиус.
„Прави што сакаш. Брате, играј на мене. Тој игра против нас“, му зборуваше Бензема на Менди.
Бензема дека навистина тоа го мислел се покажа и во продолжение на натпреварот бидејќи ниту еднаш не му ја додаде топката на Винисиус. Видеото направи навистина голем скандал и некои очекуваа Бензема да добие и казна од Реал, засега такво нешто нема.
„Марка“ денес изнесува нови детали. Откако се излегло во јавнота Бензема и Винисиус се сретнале нормално на тренингот, а Зидан намерно ги ставил во иста група. Средбата била малку чудна според информациите на реномираниот медиум, меѓутоа Бензема веднаш му се извинил на помладиот соиграч.
Учество во игри на среќа е дозволено за лица со 18+ години. Играј одговорно!