Барселона бара да и биде дозволен трансфер среде сезона

Барселона и официјално ја започна процедурата за да може да регистрира нов фудбалер, кој ќе го замени повредениот Осман Дембеле.

Правилата во Шпанија му даваат можност на секој клуб да направи по еден трансфер надвор од трансферниот рок, ако одреден играч е надвор од терените повеќе од 5 месеци поради повреда.

Точно таков е случајот со Осман Дембеле, кој вчера беше опериран и нема да се врати до крајот на сезоната.

Денес Барселона испрати официјално барање од Ла Лига каде бараат дозвола да можат да регистрираат нов фудбалер.

Сега посебна комисија во Федерацијата ќе одржи состанок во следните 72 часа, на кој ќе биде донесена конечна одлука. Ако Каталонците добијат „зелено светло“, ќе имаат право на трансфер во наредните 15 дена.