Барса создава силен тим, но Меси испрати јасна порака до управата: Овој играч мора да го задржите!

Најдобриот фудбалер на Барселона испрати порака до управата на клубот од „Камп Ноу“ со барање да го задржат играчот за врска Иван Рактиќ.

„Don Balon“ пренесува дека хрватскиот репрезентативец е цел на Јувентус и на некои англиски екипи, а местото во старниот состав на Барселона следната сезона би можело да му биде загрозено со доаѓањето на Бразилецот Артур.

Ракитиќ оваа сезона одигра 46 натпревари во сите натпреварувања и постигна четири гола, со толку асистенции и е еден од најстандардните играчи во каталонскиот состав.

30-годишниот Хрват во Барселона прситигна во 2014. година од Севиља, а претходно играше во Шалке и Базел. Со Каталонците освои две титули во Примера, три Купа на Кралевите и по една Лига на Шампиони, Супер Куп на Европа, Супер Куп на Шпанија и ФИФА Клупско првенство во светот.