Барса не го дава Меси без пари, можна е трампа со Сити

Лионел Меси е главна тема во спортските медиуми откако официјално побара да ја напушти Барселона.

Меси преку своите правни советници испратил факс до Барселона со кој ги известил дека сака да замине како слободен играч.

Сепак, сега целата ситуација се претвара во конфликт на релација Барса – Меси, бидејќи каталонскиот клуб не сака да го пушти Аргентинецот без обештетување.

Во Барселона се сигурно дека Меси нема право на раскин на договорот бидејќи рокот за активирање на клазулата која му го овозможува тоа истекла на 30. мај.

Меси и неговиот тим пак имаат став дека тој има право да го раскине договорот во рок од седум дена после финалето во ЛШ.

Двете страни сакаат да најдат компромисно решение, а целата ситуација внимателно ја следи Манчестер Сити, кој е главен кандидат за потписот на Меси.

Имено, можно е да дојде до трампа помеѓу двата клуба така што Барселона ќе го добие потписот на Габриел Жесус, кој е голема желба на Куман.

Manchester City would be willing to part with Gabriel Jesus as they eye a transfer for Lionel Messi. (Source: Daily Star) pic.twitter.com/A7Y8C0t2h3

— Transfer News Live (@DeadlineDayLive) August 26, 2020