Балотели има договор со кој е меѓу самата фудбалска елита

Кариерата на Марио Балотели во претходните години беше во голем пад.

Искусниот 31-годишен напаѓач во овој момент е член на турскиот тим Адана Демирспор, а со години наназад често ги менуваше клубовите. Меѓутоа, иако најдобрите денови фудбал се зад Балотели и не ги исполни големите очекувања, сепак во една категорија е во самата фудбалска елита.

Во овој момент Балотели го има еден од најголемите спонзорски договори на светот. Неговиот договор со „Пума“ му носи 60 милиони евра, односно шест милиони евра годишно.

Овој договор Балотели го потпиша во 2014 година кога беше на врвот од кариерата и истиот има важност уште две години. Од „Пума“ веќе донеле одлука да не го продолжуваат договорот со Балотели што е и очекувано.-