Балканот е едногласен: Вардар е чудо! (ФОТО)

Maкедонскиот шампион Вардар вчера одново ја направи Македонија горда откако после еден чудесен пресврт ја победи Барселона во полуфиналето во Келн.

Вардар на полувремето губеше со дури седум разлика и во тие моменти ретко кој веруваше дека избраниците на Парондо можат до пресврт против моќната Барселона, сепак ракометарите на Вардар уште еднаш го покажаа она посебното во себе и лавовски ги натераа ѕвездите на каталонскиот гигант во солзи да го напуштат теренот.

Пресвртот на Вардар разбирливо вчера беше главна тема во ракометна Европа, а успехот на црвено-црните се славеше и на Балканот. Какво воодушевување предизвика Вардар доволно зборуваат насловите на интернет порталите во регионот.