Баерн сака Кутињо да остане на позајмица

Германскиот првак има намера да го задржи Кутињо на Алијанц Арена.

Кутињо оваа сезона е во Баерн како позајмен играч од Барселона и на 32 натпревари постигна девет погодоци. Иако Баварците не сакаат да го откупат неговиот договор, имаат намера да го задржат во тимот.

Бразилецот моментално се опоравува од повредата и ќе биде подготвен за враќање на почетокот од јуни, а во Баерн веруваат дека ќе им биде потребен таков играч во густиот распоред до крајот на сезоната.

Германскиот првак го очекуваат натпреварите од ЛШ во август, завршницата во Купот и нормално, борбата за титулата во Бундеслигата.

Останува да видиме дали Барса ќе се согласи Кутињо да остане на позајмица или ќе го врати на Камп Ноу.