Баерн преку Арсенал до полуфинале🎥

Баерн Минхен обезбеди полуфинале во Лигата на шампиони откако со минимални 1:0 славеше против Арсенал на „Алијанц Арена“.

Во првото полувреме немаше големи шанси на двете страни, а Арсенал беше поофанзивен имаше поголем дел од играта.

Во вториот дел Кејн погоди пречка и во истата акција Горецка ја погоди и стативата, но тоа што не го искористија овие двајца, му успеа на Џошуа Кимих кој се најде на вистинско место во 63-та минута.

Тој гол се покажа како пресуден на крајот после ремито 2:2 на Емирати, па Баерн се пласира во полуфинале.