Баерн Минхен спрема понуда за Хаверц

Германскиот репрезентативец, Каи Хаверц на лето би можел да го напушти Челзи и да се врати во Бундеслигата.

Германецот оваа сезона не игра на препознатливото ниво, а медиумите тврдат дека сака да ја промени средината на крајот на сезоната.

Хаверц веќе го известил раководството на Челзи дека сака да си оди и да игра во Лигата на шампиони следната сезона.

Хаверц има договор со „сините“ за уште две години, а Челзи нема да се противи на неговото заминување и му поставил цена од 60 милиони фунти.

Германските медиуми пренесуваат дека Хаверц е голема желба на тренерот на Баерн Минхен, Томас Тухел, кој имаше одлична соработка со него на „Стенфорд Бриџ“.

Баварците веќе стапиле во контакт со неговиот агент и спремаат понуда од 60 милиони евра.