Баерн ги заостри мерките за Ковид, играчите не смеат ни да пазарат

Баерн Минхен ќе ги заостри мерките и правилата за фудбалерите поради сериозните проблеми со Ковид 19 во последно време, пренесува „Билд“.

Баерн имаше пет позитивни фудбалер во исто време, што го постави тимот во деликатна ситуација и целиот тим мораше да биде во карантин.

Целиот тим ќе биде тестиран секој ден, за да бидат избегнати нови проблеми.

Сите планирани ивенти со медиумиски и спонзорски средби се замрзнати, а на фудбалерите нема да им биде дозволено ниту да пазаруваат. Тие ќе можат единствено да се движат од своите домови до тренинг базата и стадионот за натпреварите.

Во моментов во Баерн има двајца позитивни фудбалери кои се во изолација, Бенџамин Павард и Томас Милер.