Африкански Куп: Салах и Мане во битка за „крал“ на Африка

33-тото издание на Африканскиот куп на нации завршува во голем стил, бидејќи Сенегал и Египет ќе бијат битка за крајната награда на стадионот Пол Бија во Олембе во недела.

Овој меч е посебен, не само затоа што е финале, туку и поради мал милион причини, а фокусот ќе биде на двете ѕвезди на Ливерпул – Мане и Салах.

Мане против Сахал

Со 51 одигран натпревар меѓу 24 нации досега, ова е на некој начин фудбалска класика во Африка. Победени во две претходни финалиња, Лавовите од Теранга ќе се обидат да ја освојат својата прва титула во историјата против Египет кој ќе се обиде да го освои континентот по рекорден осми пат.

Уште поголемо внимание овој меч привлекува поради дуелот на двете ѕвезди на Ливерпул. Ќе можеме да ги видиме двајцата водечките напаѓачи на Ливерпул – Садио Мане и Мохамед Салах како играат еден против друг и водат битка за континентална слава.

Лесен пат до финалето за Сенегал

По поразот од 1:0 од Алжир во финалето на Африканскиот куп на нации во 2019 година, Сенегал влезе во овогодинешното издание како една од најголемите нации на континентот што се уште не ја подигнала титулата и покрај повеќекратните финални настапи.

По нивната малку неубедлива серија во групната фаза, Сенегал го најде својот моментум во осминафиналето, кога на 25-ти Јануари успеа да слави над Зеленортски Острови со головите на Мане и Диенг во второто полувреме.

Избраниците на Сисе ја продолжија својата сензационална серија во четврт-финалето каде што забележаа победа од 3:1 над Екваторијална Гвинеја. Во полуфиналето пак славеа над Буркина Фасо со 3:1.

Сон за прва титула

Сенегал моментално е во одлична форма, нема пораз во 12 последователни натпревари – со девет победи и три нерешени во тој период – серија што се протега назад до минатиот Јули.

Оваа добра серија на резултати се должи на мешавината на напаѓачка брилијантност и одбранбена цврстина, бидејќи тие постигнаа 24 гола од тој период, додека примија само шест.

Сенегал сега ќе се обиде да ја прекине својата серија на порази во финалните натпревари по нивниот прв пораз во 2002 година, кога загуби на пенали од Камерун, а последниот пораз беше со 1:0 од Алжир пред три години и тоа токму во Египет. Оваа екипа има се што е потребно за конечно да стане владетел на црниот континент.

Египет по осма титула во Африка

Египет, од друга страна, е најдобрата екипа во историјата на Африканскиот куп на нации, освојувајќи го континентот во седум различни прилики, а нивната последна титула ја освоија во 2010 година, кога ја победија Гана со 1:0.

Египет ги исфрли најголемите фаворити на турнирот, но тоа го плати премногу скапо – со три меча по 120 минути. Тимот на Карлос Квеирош беше поразен на стартот на 11-ти Јануари, кога загубија со 1:0 од Нигерија. Но Египет ја започна својата кампања четири дена подоцна, кога обезбеди тешка победа од 1:0 над Гвинеја-Бисао пред да ги заврши работите во групната фаза со нова победа од 1:0 над Судан.

Завршувајќи како второпласирани во групата Д со шест бода, Северноафриканците се пласираа во осминафиналето каде што го победија еден од фаворитите на турнирот Брегот на Слоновата Коска на пенали по 120 минути без голови.

Египет потоа направи изведба од соништата против регионалните ривали Мароко кога повторно се играше 120 минути за победа од 2:1.

Во полуфиналето фараоните го изненадија домаќинот на турнирот Камерун и повторно по продолженија, а овој пат славеа дури на пенали. Токму поради ова, сите во Египет се плашат повеќе од заморот, отколку од Сенегал и се потполно во право