„АС“ го впери прстот кон Меси: Во мај потпиша договор за промоција на Саудиска Арабија!

Најголемата сензација досега на Светското првенство ја приреди репрезентацијата на Саудиска Арабија која вчера со пресврт славеше против Аргентина.

По овој пораз шпанските медиуми го посочија прстот кон Меси и тврдат дека тој е причината за поразот на Аргентинците.

„Ваквата победа не натера да се замислиме како Аргентина изгуби од вториот најефтин тим на Светското првенство и како Аргентина на Меси која важи за најголем фаворит токму сега ја заврши низата од 36 натпревари без пораз. Во сето ова изгледа како Меси да е најголемиот промотер на Саудиска Арабија“.

Тие потсетуваат дека Меси потпишал договор.

„Во мај Меси потпиша договор за промоција на Саудиска Арабија и не може да не се забележи дека оваа земја сака да го добие СП 2030“.

Во текстот на „АС“ се наведува дека Меси добил сериозна сума пари за да го „испере“ лошиот имиџ на земјата.

„Меси доби неверојатна сума на пари за да прави промоција на земјата и да го „испере“ имиџот“, стои во текстот на „АС“.