Арсенал и без да го одигра утрешниот натпревар може да ги добие бодовите

Aрсенал и Ворскла можеби и нема да го одиграат својот натпревар во рамките од Лигата на Европа кој е закажан за утре.

Тимот на Арсенал во овој момент е во Украина каде што утре би требало да го одигра натпреварот против Ворскла во Лигата на Европа.

Ворскла требаше да го пречека Арсенал во Политава, но поради воената состојба во Украина тој натпревар е преместен 250 километри подалеку, во Киев каде што засега ситуацијата е стабилна.

Сепак, најновите информации кои доаѓаат од Киев не се позитивни, Ворскла не гарантира дека може да го игра тој натпревар поради ситуацијата во државата.

Се огласи и претседателот на клубот Олех Лисак, тој истакна дека постојат мнгоу проблеми и околу стадионот, како на пример продавањето на влезници.

Истакна дека „Олимпискиот стадион“ во Киев не дал никаков одговор на прашањето на Ворскла, ниту позитивен, ниту негативен. Поради ваквата ситуација Арсенал може да ги добие бодовите од оваа средба без да го одигра натпреварот.