Анчелоти ја фали Суперлигата: Ќе биде добра за сите

Tренерот на Реал Мадрид, Карло Анчелоти ја поддржа идејата за создавање на Суперлигата.

Европскиот суд за правда во Луксембург во текот на вчерашниот ден пресуди дека УЕФА и ФИФА делувале против законот кога пред две години забраниле формирање на Суперлигата со закани за казни кон клубовите.

Пресудата не значи дека со сигурност ќе има Суперлига, меѓутоа сега е јасно дека е дозволено. Позитивно мислење за ваквото натпреварување има и Карло Анчелоти.

„Таа одлука е важна за фудбалот. Некои клубови не се убедени, но верувам дека може да биде добро за сите. Времето треба да покаже дали е вистински потег“, изјави Анчелоти.

Анчелоти смета дека е добра и за календарот.

„Факт е дека нема да има повеќе монопол, а тоа го сметам за позитивно. Исто така ќе се поправи календарот и во тој случај сите се победници. На темелот на судиската одлука мислам дека фудбалот доживеа позитивно поместување“, истакна италијанскиот стратег.