Дури девет натпревари беа одиграни во најсилната кошаркарска лига во изминатата ноќ, а некои кошаркари забележаа одлични индивидуални натпревари, додека поголеми резултатски изненадувања немаше.
Еден од дерби натпреварот беше оној помеѓу Клиперси и Милвоки, но со оглед дека за домаќините не играа Пол Џорџ и Каваи Ленард гостите имаа далеку полесна работа. Милвоки однесе победа од 129:124. До триумфот ги предводеше одличниот Јанис Антетокумпо со учинок од 38 поени. 16 скока и девет асистенции. За Клиперси Вилијамс и Харел забележааа по 34 поени.
Кој ќе тепа на Ел Класико!? ↓↓↓
Уште еден одличен настап во НБА лигата одигра Лука Дончиќ. Неговиот Далас победи на домашен терен против Орландо со 107:106, а Дончиќ беше најдобар поединец на натпреварот со постигнати 27 поени, седум скокови и исто толку асистенции. Втората најголема ѕвезда на екипата Порзингис постигна само осум поени. Кај гостите одличен настап одигра Никола Вучевиќ со 19 поени и 11 скокови.
До минатата сезона натпреварот со Хјустон и Голден Стејт беше големо дерби во НБА лигата, но овој пат тоа не беше така. Вориорсите беа немоќни и Хјстон славеше со 129:112. Најдобар кај Хјустон беше Џејмс Харден со 36 поени и 13 асистенции. Неговиот соиграч Расел Вестбрук беше нешто послаб од вообичаено и натпреварот го заврши со осум скокови и шест асистенции. Кај гостите Буркс уфрли 28 поени.
Останати резултати:
Детроит – Њујорк 122:102
Индијана – Вашингтон 121:106
Атланта – Чикаго 93:113
Торонто – Сакраменто 124:120
Мемфис – Минесота 137:121
Јута – Филаделфија 106:104
Учество во игри на среќа е дозволено за лица со 18+ години. Играј одговорно!