Англија без судии на Мундијалот

ФИФА денес ја објави официјалната листа на судии кои ќе судат на натпреварите од Светското првенство во Русија. На неа се наоѓаат 99 имиња, но нема ниту еден Англичанец.

Судиите доаѓаат од 46 различни држави. Со најмногу претставници е Европа – 10 главни судии и 20 асистенти.

Марк Клатенбург беше единствен на поширокиот список на арбитри објавен во 2016 година, но тој ја напушти Премиер лигата и се пресели во Саудиска Арабија, а со тоа го загуби своето место.

Прв пат од 1938 година меѓу судиите нема ниту еден од Англија, односно цела Велика Британија.

На избраните судии им претстои учество во два семинари, организирани од ФИФА. Првиот од нив е на крајот на април во Италија, додека вториот ќе се одржи во Москва во пресрет на турнирот, кој започнува на 14 јуни.