Ангеловски: Тактиката не беше проблем, загубивме поради личните грешки

Селекторот на македонската фудбалска репрезентација вечерва по поразот истакна дека не е изненаден од добрата игра на домаќинот.

„Веќе кажав дека овој натпревар беше од голема важност за нас, но сепак Ерменија победи, но и понатаму сме во игра, ќе се обидеме да славиме на следните два натпревари’, изјави Ангеловски.

Ангеловски доби прашање и за стартот над Барди во првото полувреме при резултат 1:0, кога судијата не се огласи, иако беше очигледен пенал.

„Не сакам да ги коментирам судиските одлуки, натпреварот е завршен, се случи тоа што се случи. Не сум изненаден од тоа како одигра Ерменија, знаев дека се одлична селекцијата. Не загубивме поради тактиката, туку поради личните грешки“, истакна селекторот на македонската фудбалска репрезентација.