Алкараз го симна Ѓоковиќ од врвот на АТП листата

Карлос Алкараз ја започна својата 26-та недела на чело на АТП листата. Со победата на турнирот во Квинс, Алкараз го престигна Ѓоковиќ од кого сега има 80 бодови повеќе.

Ова е шести пат годинава Карлос и Новак да се сменат на чело на листата, уште од 1993 година немало толку промени на врвот во првата половина од годината.

„Моите шанси на Вимблдон не се менуваат многу. Новак ќе биде таму, но се чувствувам подобро од почетокот на неделата, тоа е очигледно. Првото место ми дава дополнителна самодоверба“, изјави Алкараз.

Во топ 10 имаше само уште една промена – Јаник Синер и Тејлор Фриц ги заменија местата и сега Италијанецот е осми, а Американецот деветти.