Алекс Сандро го пропушта натпреварот во Суперкупот против Лацио?

Јувентус во средата го одигра натпреварот против Сампдорија во рамките на 17. коло од Серија А и славеше со 2:1.

Клубот од Торино нешто порано го одигра натпреварот во италијанското првенство со оглед на тоа што во недела го играат натпреварот во Суперкупот на Италија против Лацио.

Натпреварот против римскиот клуб се игра во Саудиска Арабија, но не е познато дали за Јувентус ќе игра Алекс Сандро.

Левиот бек на Старата дама натпреварот против Сампдорија го напушти во 83. минута, а вчера беше на третман кај физиотерапевт додека останатите одработија тренинг.

Исто така, под знак прашалник е и настапот на голманот Шчесни, кој се опоравува од повредата на рамото.