Алексис во 92. минута му донесе радост на Арсенал (Видео)

Арсенал успеа да слави во финишот на мечот против Барнли на гости.

Фудбалерите на Венгер се радуваа, откако во 92. минута преку Пенал, како стрелец на единствениот погодок се запиша Алексис Санчез.

Арсенал за потсетување, во својот тим вечерва го немаше Озил кој како што се наведува е болен, па и без него тимот на „Топчиите“ делуваше изгубено.

Тешко беа создавани шанси, а одлична прилика имаше Барнли во првото полувреме, кога Гудмунсон го погоди дирекот на противничкиот гол.

По овој триумф, Арсенал има 25 бода, и се наоѓа на четвртата позиција на табелата со само еден бод помалку од Челзи, и 10 бода помалку од лидерот на табелата, Манчестер Сити.