Долгогодишниот член на Јувентус, Леонардо Бонучи ова лето го промени клубот и стана нов член на Милан.
Неговото заминување во редовите на големиот ривал ги изненади апсолутно сите и преку ноќ од миленик стана најомразен фудбалер кај навивачите од Торино.
Исхрана, повреди и тренинг – совети од доктор по спортска медицина | Уште еден поткаст
Бонучи во текот на сезоната имаше неколку судири со тренерот Алегри. Меѓутоа, овој 50-годишен стратег изрази големо жалење што искусниот дефанзивец одлучи да замине и откри дека тој сигурно би бил новиот капитен на клубот.
„Жал ми е што замина. Лео сигурно ќе беше капитен на екипата во иднина, човек кој во соблекувалната им докажува на младите момчиња што значи името Јувентус. Сепак, тој направи поинаков избор. Клубот и јас не го обвинуваме што замина“, истакна Алегри.
Леонардо Бонучи дресот на Јувентус го носеше од 2010. година. Освои шест титули во италијанското првенство, а за седум години настапи 319 пати за „Старата дама“ и постигна 21 погодок.
Учество во игри на среќа е дозволено за лица со 18+ години. Играј одговорно!