Алегри: Докажавме дека ремито со Тотенхем не е трагедија, сигурен сум дека ги елиминираме

Јувентус во 25 коло од италијанската Серија А го совлада Торино со 1:0 и така ја продолжи трката за Скудетото со екипата на Наполи.

Градското дерби за Јуве дојде во прилично незгоден момент, по ремито со Тотенхем 2:2 во Лигата на шампионите, натпревар во кој „старата дама“ имаше предност од 2:0.

„Денес моите фудбалери одиграа одличен натпревар и им честитам на крајот успеаа да одговорат на овој предизвик. Докажавме дека ремито со Тотенхем не е трагедија. Имаме реванш и сигурен сум дека ќе се пласираме во следната фаза“.

„Горд сум на своите фудбалери и среќен сум што ја продолжуваме борбата на сите три фронта. Во својот тим имам одлични фудбалери и среќен сум што имам прилика да ги тренирам“, изјави Алегри.