Совет за Покетино: Ако дојдеш во Манчестер Јунајтед спреми се за критики

Дел од медиумите на Островот најавуваат дека Маурисио Покетино ќе биде новиот стратег Манчестер Јунајтед.

На Оле Гунар Солскјер не му оди, Јунајтед нема резултати какви што се очекува, па и секој кикс во наредниот период може да значи и отказ за Норвежанецот.

Поранешниот напаѓач на Манчестер Јунајтед, Димитар Бербатов испрати совет до Покетино.

„Слушнав дека Покетино може да го превземе Манчестер Јунајтед. Ако прифати да биде тренер на Јунајтед тогаш нека биде спремен на критики. Во Манчестер Јунајтед ако на тимот не му оди секогаш е виновен тренерот, иако во други клубови не е баш така“, изјави Бербатов.