Ако Меси дојде во Рим, Тоти знае како ќе го пречека

Сите веќе добро знаат дека Кристиано Роналдо во новата сезона ќе настапува во Серија А, во редовите на Јувентус, па во Италија веќе сонуваат и за спектакуларен трансфер на Лео Меси со што би се продолжило нивото ривалство.

Легендарниот напаѓач на Рома, а сега директор на овој клуб на интересен начин ја прокоментира можноста Меси да пристигне во Серија А.

Франческо Тоти никогаш не криеше дека го цени Лионел Меси, дури призна и дека неговиот син е голем фан на Аргентинецот.

Тоти беше запрашан какви се шансите за клубот од италијанската престолнина да го доведе Аргентинецот и на тој начин да се продолжи ривалството помеѓу двајцата најдобри фудбалери на денешницата.

„Ако Меси во некој случај дојде во Рим, лично би го пречекал на аеродром и би му го додели дресот со број десет“, изјави Италијанецот.

Поставувањето на ова прашање е само доказ колку се возбудени навивачите пред почетокот новата сезона во Италија.