Азар оди на продажба, Реал ја одреди цената

Реал Мадрид е спремен да го продаде Еден Азар уште во следниот трансфер прозорец, тврдат шпанските медиуми.

Белгиецот пристигна на „Сантијаго Бернабеу“ за 100 милиони евра плус бонуси, но не успеа да оправда ниту еден цент од парите што ги вложи клубот во неговиот трансфер.

Азар ги разочара сите по пристигнувањето во Реал Мадрид бидејќи одигра само 36 натпревари, притоа постигна четири гола и четири асистенции, а сезонава настапи само на девет меча.

Шпанските медиуми пишуваат дека Реал е подготвен да го продаде Азар за 50 милиони евра, што е помалку од половина од сумата која ја платија „кралевите“ за него.

Белгиецот играше одлично во дресот на Челзи, но откако си замина од Лондон почнаа проблемите со повреди, а потоа и пад на формата, па не ги оправда очекувањата во Мадрид.