Азар дефинитивно отпадна за Ел Класико

Ѕвездата на Реал Мадрид, Еден Азар дефинитивно отпадна од конкуренција за големото дерби со Барселона идната недела, пренесуваат шпанските медиуми.

Белгиецот продолжува да се рехабилитира од мускулната повреда и од Реал Мадрид не сакаат да преземаат ризик.

Приоритет на клубот е целосното рехабилитирање на Азар, па затоа ќе му дадат доволно време да се опорави и нема да биде повикан за „Ел Класико“.

Бившиот фудбалер на Челзи неколку пати се рехабилитира и повторно ја обновува повредата. На 29-ти ноември минатата година почнаа маките за Азар кога заработи повреда, а потоа не успеа да заигра во континуитет.

Белгиецот често се мачи со повреди откако пристигна во Реал Мадрид, па поради тоа сега „кралевите“ ќе му дадат подолго време за рехабилитација.