Македонскиот голгетер Бојан Миовски во летниот преоден рок дефинитивно ќе биде интересен за многу клубови, а во Шкотските медиуми се пишува и за сумата која би ја барал Абердин за негово ослободување.
Зошто проблемот со улични кучиња СÈ УШТЕ постои? | Уште еден поткаст
Имено, Миовски за Абердин постигна вкупно 24 гола во сите натпреварувања, па така го привлече вниманието и на најголемите шкотски клубови, Селтик и Ренџерс. Во Абердин се уште тврдат дека не планираат да го продадат, сепак јасно е дека ќе им биде тешко да го задржи.
Шкотскиот новинар Џејк Мекфарлан најавува дека цената за Миовски може да изнесува околу осум милиони евра.
„Миовски е голем талент и лично многу ми се допаша. Тој за Ренџерс би бил перфектно засилување. Нема дилеми дека Абердин би барал висока сума, ќе зависи и колкав е интересот за него. Сепак, не би бил изненаден ако Абердин бара осум милиони фунти“, објави новинарот.
Исто така во јавноста се појави информација дека интерес за Миовски покажал и холандски Феенорд.
Учество во игри на среќа е дозволено за лица со 18+ години. Играј одговорно!