Џампаоло направи потег: Наскоро за Милан може да дебитира уште еден Малдини!

Офанзивецот ќе има прилика да се покаже.

Милан ја заврши презентацијата на новиот стручен штаб кој ќе се обиде да ги врати „росонерите“ на старите славни патеки.

Џампаоло официјално беше претставен, набрзо следеа и припреми со клубот.

На директорската позиција беше поставен и Малдини, а семејството Малдини во новата сезона би можело да има претставник и на теренот.

За припремите кои следат новиот тренер на „росонерите“ го повика младото крило на Примавареа, Даниеле Малдини. Даниеле веќе тренираше со првиот тим на Милан во минатото, а ќе видиме дали овој пат ќе има прилика да дебитира во дресот кој го носеше неговиот татко.

Во минатата сезона за Примавареа одигра 26 натпревари и постигна 10 гола.