Јувентус спреми понуда за Зиркзе

Јувентус во зимскиот преоден рок сака да го засили нападот, а прва желба е играчот на Манчестер Јунајтед, Џошуа Зиркзе.

Зиркзе ова лето пристигна како големо засилување во Јунајтед, но разочара во досегашниот дел од сезоната, а и новиот тренер нема да смета сериозно на него. Поради тоа би можел да ја промени средината во јануари.

И самиот фудбалер не е задоволен од престојот на „Олд Трафорд“ и сака да се врати во Италија, каде ја доживеа својата фудбалска афирмација.

Јувентус и Милан ја следат ситуацијата, а „бјанконерите“ се фаворити за неговиот потпис поради Тиаго Мота, кој има одличен однос со Холанѓанецот.

Јувентус сака да го доведе на позајмица со задолжителен откуп следното лето за 35 милиони евра.