Италијанскиот шампион Јувентус денес ги потврди повредите на Пауло Дибала и Сами Кедира.
Аргентинскиот напаѓач се повреди за време на натпреварот против Ајакс, има мускулна повреда и ќе мора да паузира две недели. Дибала ќе ги пропушти натпреварите против Фиорентина и Интер, а се очекува да се врати на терените во градското дерби против Торино.
Исхрана, повреди и тренинг – совети од доктор по спортска медицина | Уште еден поткаст
Сами Кедира пак ја заврши сезоната. Германецот денес мораше да оди на операција на коленото поради што ќе мора да паузира во следните три месеци.
„Во последните неколку месеци имам проблеми со коленото. Болките стануваа се потешки, и затоа се одлучив на операција“, истакна Кедира.
Овие отсуства нема да му паднат тешко на Јувентус кој е само на чекор од освојување на Скудетото и се очекува да го прослави овој викенд.
Учество во игри на среќа е дозволено за лица со 18+ години. Играј одговорно!