Јовиќ скапо ќе плати: Кривична пријава во Србија и парична казна во Реал

Напаѓачот на Реал Мадрид, Лука Јовиќ го навлече гневот на себе во Шпанија и Србија откако избега од карантинот во Мадрид и се врати во Белград.

Сите играчи на Реал се во самоизолација, а Јовиќ за да присуствува на роденденот на своајта девојка, ја прекишил наредбата од клубот и се вратил во Белград.

Тоа скапо ќе го чини напаѓачот бидејќи сега ќе добие кривична пријава за непочитување на самоизолацијата.

Спорно за полицијата е тоа што фудбалерот е забележан како се шета низ Белград со што ги прекршил прописите за самоизолација и се соочува со кривична пријава.

„Имаме подготвено и кривични пријави против некои од познатите спортисти. Овие луѓе ќе одговорат кога судот утврди дека е време за тоа “, потврди министерот за внатрешни работи на Србија.

Според извештаите во медиумите, освен Јовиќ, мерката за самоизолација ја прекршил и фудбалерот на Асколи, Никола Нинковиќ.

Покрај проблемите во Србија, Јовиќ сигурно ќе биде дополнително казнет од Реал Мадри за непочитување на клупските одлуки.