Јапонија и Саудиска Арабија обезбедија пласман на СП

Репрезентациите на Јапонија и на Саудиска Арабија обезбедија директен пласман на Светското првенство во Катар, додека селекцијата на Австралија ќе мора да игра во баражот.

Јапонија ја совлада Австралија со 2:0 во дирекната пресметка. Јапонците доминираа од самиот старт, а двата гола ги постигнаа во завршницата.

 Резервистот Митома ги постигна двата гола во 89-та и во 94-та минута и ја однесе Јапонија на СП.

Саудиска Арабија својот натпревар од ова 9-то коло ќе го игра од 16 часот на гости кај Кина, победата на Јапонија ги израдува и нив. Тие секако остануваат на второто место, додека Австралија ќе мора да игра бараж.