Дома Останати Тенис Ѓорческа издоминира и ќе игра за финале во Кипар!

Ѓорческа издоминира и ќе игра за финале во Кипар!

Лина Ѓорческа на убедлив начин стигна до полуфиналето на ИТФ турнирот во Аламинос, Ларнака на Кипар што се игра за награден фонд од 25.000 долари.

Таа денес во четвртфиналето ја совлада младата тенисерка од Русија Ксенија Зајцева со 2-0 во сетови (62 62) за 97 минути игра. Нашата тенисерка имаше одлична реализација на брејк топките 4/6, а воедно не и дозволи на ривалката ниту еден брејк од девет шанси. Според бројот на поени беше 73:51 за Ѓорческа.


Кој ќе тепа на Ел Класико!? ↓↓↓


Првиот сет Ѓорческа „го отвори“ со водство од 2:0 и таа предност ја имаше до 4:2 во гемови, а потоа со уште два гема го заврши сетот со 6:2. Во вториот сет нашата тенисерка беше уште поубедлива и поведе со 4:0, а потоа само ја реализираше предноста и сетот повторно го заврши со 6:2 во гемови.

За пласман во финалето утре во полуфиналната пресметка нејзина противничка ќе и биде Италијанката Нурија Бранкачио (23 години, 240. то место ВТА) која со 2-0 во сетови 6:3 и 6:3 ја победи седмата носителка Кристина Дину од Романија.

Коментари
Прочитајте поврзани статии
Load More In Тенис

Проверете

Хит момент: Реакцијата на Надал кога Ѓоковиќ по петти пат беше прогласен за најдобар во светот 🎥

Српскиот тенисер Новак Ѓоковиќ вчера во Мадрид ја доби наградата „Лауреус“ за најдобар спо…