Ѓоковиќ се помачи, но стигна до уште една победа на Австралија Опен

Новак Ѓоковиќ прескокна уште една пречка на Австралија Опен, меѓутоа како и во првото коло и денес против домашниот тенисер Алексеј Попирин загуби еден сет (3:1).

Почетокот на мечот донесе возбудувања и голема борба на двајцата тенисери. На теренот изгледаше дека 12 години помладиот тенисер има решение за секој налет на најдобриот во светот.

Ѓоковиќ во осмиот гем успеа да ја освои првата брејк топк и да поведе со 5:3, веќе во следниот сет го потврди брејкот и поведе со 1:0. Во вториот сет Ѓоковиќ се соочи со поголеми проблеми, а беше очигледно дека темпото во неговата игра спласна. Попирин знаеше да ја искористи таа ситуација и со два брејка дојде до изедначување на 1:1.

Освоениот сет донесе дополнителна мотивација кај Попирин во третиот сет, Ѓоковиќ не успеваше да дојде до брејк топка и во десетиот гем гледавме вистинска драма. Ѓоковиќ на свој сервис ги загуби првите три поени и Попирин доби можност за брејк, сепак шампионот успеа да се врати и подоцна да го добие тај-брејкот со 7:4.

Во четвртиот сет едноставно Попирин немаше никакви шанси, Ѓоковиќ заигра онака како што се очекуваше и го освои сетот со 6:3 за 30-та победа во низа на Австралија Опен и 91. вкупно во кариерата.

И во овој меч Ѓоковиќ имаше расправија со публиката од каде што еден навивач посебно го провоцираше, па Ѓоковиќ го повика да се симне и тоа што сака да му го каже во лице. (ТУКА).