Ѓоковиќ се врати со победа!

Новак Ѓоковиќ имаше победнички кам-бек на терените по повредата, Србинот лесно со 2-0 го доби дуелот со Фабио Фоњини на турнирот во Шангај.

Ѓоковиќ на денешниот дуел докажа дека неговата повреда е минато и дека полека се враќа во формата која ја загуби во текот на летото.

Светскиот рекет број еден уште од почетокот наметна силно темпо на игра кое никако не можеше да го следи италијанскиот ветеран. Едниот брејк во првиот и трите во вториот сет беа пресудни за новата победа на Ѓоковиќ над Фоњини во меч кој траеше час и 20 минути.

Следен противник на Србинот ќе биде подобриот од дуелот помеѓу Димитров и Поспишил.