Ѓоковиќ заврши на прегледи во Ургентниот центар

Новак Ѓоковиќ по настапот во Рим се врати во татковината, каде што замина на прегледи во клиничкиот центар во Белград.

Ѓоковиќ беше погоден со шише на турнирот во Рим, па решил да провери дали има посериозна повреда, но резултатите покажале дека станува збор за мала контузија.

„Новак е добро. Сите наоди се добри. Направи комплетна крвна слика и се е во рамките на нормалата. Направи и ЕКГ, но и снимки на главата, за да се увери дека не е сериозно повреден кога во Рим беше погоден со шише во главата. Предмалку ги доби резултатите и сите се добри“,објавија српските  медиуми.

Медиумите пишуваат дека Ѓоковиќ се жалел на вртоглавици, но за тоа нема потврда од таборот на српскиот тенисер.