Шпанците знаат кој ја освојува „Златната топка“

На крајот на октомври на церемонија во Париз ќе биде доделена „Златната топка“ на најдобриот фудбалер во претходната сезона, а шпанска „Марка“ пишува дека тоа ќе биде играчот на Реал Мадрид, Винисиус Жуниор.

Денеска Винисиус е на насловната страница на „Марка“, која покрај фотографијата на Бразилецот додаде – „Сите патишта водат кон злато“.

Според Шанците, Бразилецот заслужи да биде најголема ѕвезда на доделувањето на Златната топка на 28 октомври, иако не му беше лесно да дојде до фудбалскиот врв.

Како главни конкуренти на Винисиус се: Џуд Белингем, Дани Карвахал и Родри, но „Марка“ е убедена дека Бразилецот ја победил конкуренцијата.

Винисиус му се приклучи на Реал Мадрид во 2018 година. Со „кралевите“ три пати ја освои Ла Лига и два пати Лигата на шампионите.

Има еден Кралски куп, три шпански Суперкупа, а два пати го освои Суперкупот на Европа и Светското клупско првенство.