Шпанските клубови и Јувентус спремаат тужба за Англичаните?

Суперлигата доживеа дебакл само два дена после објавата за нејзино реализирање.

Реал, Милан, Арсенал, Атлетико, Челзи, Барселона, Интер, Јувентус, Ливерпул, Манчестер Сити, Манчестер Јунајтед и Тотенхем во неделата вечер објави формирање на ново натпреварување т.н Суперлига.

Меѓутоа само два дена подоцна после силниот притисок од јавноста ова натпреварување се распадне уште пред да почне. Сите шест англиски клубови доцна вчера вечер официјално објавија дека се повлекуваат од идејата да бидат дел од Суперлигата.

Истото се најавува и со Интер и Милан, меѓутоа сега тоа и не е толку важно затоа што е јасно дека без Англичаните овој проект не е можно да се реализира.

„Марка“ пренесува дека Реал, Барселона, Атлетико и Јувентус спремиле тужби за шестте англиски клуба затоа што останале без најавените спонзори по формирањето на Суперлигата.