Шок за Сити: Алварез побара трансфер!?

ХУЛИЈАН АЛВАРЕЗ, 24-годишниот аргентински напаѓач на Манчестер Сити и машина за трофеи, побара од Пеп Гвардиола да го продаде.

Ова го пренесува Сем Ли, дописникот на култниот The Athletic за англискиот шампион.

Како што пишува Ли, постојат две клучни причини зошто Алварез сака да замине. Првото е разбирливо бидејќи Аргентинецот сака да има поголема минутажа, а тоа освен Ерлинг Халанд не може да го гарантира никој во тимот. Но, уште една причина ги налути навивачите на Сити, кои барањето го нарекоа бизарно. Имено, на Алварез и неговата девојка им е доста од студеното време во Англија и сакаат да одат на потопли места.

Трансфермаркт го цени Алварез на 90 милиони евра, а Ли има информации дека Манчестер Сити би го пуштил напаѓачот за околу 80 милиони евра. Тој има договор до летото 2028 година, а според него заработува нешто повеќе од пет милиони фунти годишно.