Дома Останати Кошарка НБА Шампионите ја прекинаа низата на Лејкерси, ново шоу на Јанис (ВИДЕО)

Шампионите ја прекинаа низата на Лејкерси, ново шоу на Јанис (ВИДЕО)

Изминатата вечер во НБА лигата беа одиграни седум натпревари.

Во дербито Торонто славеше во „Стејплс центарот“ против Лејкерси со 104:113 и така ја прекина серијата од седум победи во низа на Лејкерси.

Се водеше голема борба од самиот старт, а Лејкерси констатно беа во предност. Дури во завршницата на третата четвртина Рапторси сериозно се заканија и во последната четвртина се влезе со изедначен резултат 78:78.

Актуелните шампиони се разиграа во четвртата четвртина, погодуваа Сиакам и Ванвилт. На другата страна Леброн беше незабележителен во тие моменти и на крајот Лејкерси мораа да му честитаат на ривалот.

Сиакам беше најдобар во дресот на Рапторс со 24 поени, 11 скока и четири асистенции, Френ Ванвилт запиша 23 поени, седум скокови и 10 асистенции. Кај Лејкерси Ентони Дејвис го заврши натпреварот со 27 поени, осум скока, три асистенции и четири блокади, Леброн оствари трипл-дабл со 13 поени, 13 скокови и 15 асистенции.

Рапторси ја забележаа седмата победа во сезоната, трета во низа и се наоѓаат на второто место на истокот. Лејкерси го претрпеа вториот пораз и се втори на западот.

Jaнис Антетокумпо го предводеше Милвоки до победа на Оклахома од 121:119. Натпреварот Јанис го заврши со 35 поени и 16 скокови, Ерик Бледсо стигна до 25 поени, три скока и девет асистенции. Кај поразените Денис Шурудер уфрли 25 поени и запиша уште шест скока и пет асистенции.

НБА резултати:

Орландо – Индијана 102:109

Филаделфија – Шарлот 114:109

Oклахома – Милвоки 119:121

Њујорк Никси – Кливленд 87:108

Феникс – Бруклин 138:112

Портланд – Атланта 124:113 (после продолженија)

Лејкерси – Торонто 104:113

Коментари
Advertisements
Прочитајте поврзани статии
Load More In НБА

Проверете

Лилард го предводеше Портланд до победа, дабл-дабл на Јокиќ во поразот на Денвер (ВИДЕО)

Изминатата вечер во НБА лигата беа одиграни четири натпревари. Кошаркарите на Портланд сла…