Чудесниот Вембањама одигра натпревар каков што не е виден повеќе од 30 години

Виктор Вембањама постигна 40 поени, имаше 20 скока и седум асистенции, а Сан Антонио Спарс го победи Њујорк Никс по продолжение.

Натпреварот заврши 130:126. Неверојатниот француски дебитант во НБА, 20-годишниот висок 224 сантиметри, стана првиот дебитант по 1993 година и Шекил О’Нил кој го завршил натпреварот со најмалку 40 поени и најмалку 20 скока.

Легендарниот центар, тогаш член на Орландо Меџик, во 1993 година постигна 46 поени, имаше 21 скок и пет блокади, но неговиот тим го загуби тој натпревар одигран во февруари пред 31 година од Детроит Пистонс.