Челзи го претстави Фофана: Дојдов тука за да освојам се!

Од пред неколку дена е познато дека Фофана ќе го засили Челзи, а денес „сините“ го потврдија трансферот.

После Калид Кулибали и Марк Кукуреља пристигнува и Фофана за да ја зацврсти одбраната во тимот на Тухел. Фудбалерот ја даде и првата изјава по потписот за новиот клуб.

„Последните два дена беа навистина големи за мене, среќен сум што сум тука. Утрово тренирав со тимот и ова е остварување на сонот.

Возбуден сум и едвај чекам да излезам пред навивачите. Дојдов тука да освојвуам трофеи, Лигата на шампионите, Премиер лигата, ФА Купот, Карабао Купот – се! Челзи е клбу кој е изграден да освојува трофеи и јас сум тука да помогнам во тоа“, изјави Фофана.

Французинот на „Стемфорд Бриџ“ доаѓа за 90 милиони евра и потпиша седум годишен договор и се приклучи на плејадата млади фудбалери од кои се очекува да бидат иднината на клубот.

Welcome, Wesley! 😁#FofanaIsChelsea

— Chelsea FC (@ChelseaFC) August 31, 2022